هي: أنت ليه مش بتمسك إيدي وإحنا ماشيين في الشارع؟
...
هو: لأ بلاش
افرضي حد من قرايبك شافنا؟
والا حد من أصحاب أخوكي في الكلية؟
إن شاء الله يا حبيبتي بكره نتخطب وامسك إيديكي ادام الدنيا كلها
انا خايف عليكي والله
------------------------------------------------
هي: أنت ليه مش بتمسك إيدي وإحنا ماشيين في الشارع؟
...
هو: علشان مش عاوز حد يفتكر إننا علشان اتخطبنا هنصيع بقى ونعيش حياتنا
وبعدين بصراحة كده أنا محترم
إن شاء الله بكره نتجوز وامسك إيدك وإنتي مراتي.. حبيبتي في الحلال
وكده بقي يعني
------------------------------------------------
هي: أنت ليه مش بتمسك إيدي وإحنا ماشيين في الشارع؟
...
هو: يا حبيبتي إحنا مش مراهقين بقى هنمسك إيد بعض في الشارع وكده
إحنا اتنين متجوزين ومحترمين وعندنا بيت نعمل فيه اللي احنا عاوزينه
يابت افهمي
------------------------------------------------
هي: أنت ليه مش بتمسك إيدي وإحنا ماشيين في الشارع؟
...
هو: يعني امسك إيدك
والا امسك إيد البنت
والا اشيل الأكياس دي كلها؟... كفاية
كفاية مصاريف بقه
خربتوا بيتي
------------------------------------------------
هي: أنت ليه مش بتمشك إيدي وإحنا ماشيين في الشارع؟
...
هو: إيدك إيه بش اللي هامشكها دلوقتي
إنتي عاوزه جوز بنتك يقول علينا ايه
كبرنا وخرفنا..؟
هاتي ايدك اما اشند عليها هاتي
هي: شيب ايدي احشن اصوت والم عليك الناش في الشارع
ليت الشباب يعود يوما