جوجل تحجب صورة أبو تريكة

السلام عليكم ورحمة الله وبركاته

ضايقني جدا خبر بيقول
ان شركة جوجل شالت صورة لأبو تريكة من الموقع بتاعها
طبعا انتو فاهمين جوجل عملت كده عشان ترضي مين
مش مهم
يشيلو الصورة ولا ميشيلوهاش
المهم ان اللي عمله أبو تريكة
أصبح محفور في ذاكرة كل العرب والمسلمين
وكمان اليهود وبتوع جوجل نفسهم
***
سؤال بقي؟؟
لو احنا العرب والمسلمين اللي عددنا بالملايين
طلبنا طلب زي ده من جوجل لا سمح الله
مثلا تشيل الصور المسيئة لرسول الله (ص) هل كانو هيوافقو
أبدا.. كانت قامت الدنيا ومقعدتش
وقالو فين حرية التعبير يا عرب يا متخلفين
***
سؤال تاني معلش؟؟؟
هل من ممكن ان العرب يتفقوا علي مطالبة جوجل بطلب زي ده لا سمح الله؟
؟؟؟
بتهيألي كانت دولة فلان الإسلامية
تقترح ان جوجل تخلي صورة أبو تريكة
مع مسح الكلام اللي علي التيشيرت
واستبداله بصورة لكونداليزا
---
ودولة علان العربية
تطالب بعدم رفع الصورة من موقع جوجل بتاتاً
مع شطب أبو تريكة من الاتحاد الدولي
ومطالبته بإعتذار رسمي للأسرة المالكة في ولاية هبلستان
وتغيير لون التيشيرت
---
أما جمهورية ترتان الشعبية الصفصطائية
كانت تطالب بعدم خلع الصورة من الموقع
عشان في اتفاقية بين الموقع والجمهورية
مع استدعاء السفير البركستواني وتوجيه إليه اللوم
وإن كان علي صورة أبو تريكة
نستبدلها بصورة الواد عمرو ذكي
وهو بيشد الشورت بتاع لعيب كوت ديفوار